విద్యా ధర్మ రక్షకుడు, సనాతన సంస్కృతీ పోషకుడు:
శ్రీ సనక పూర్ణచంద్రరావు గారి శ్రమ, క్రమశిక్షణల స్ఫూర్తి గాథ
విద్యా నిలయ ప్రాంగణాన విద్యుత్తుగా వెలిగిన వేళ...
ధర్మ రక్షణే జీవిత మంత్రమై సాగిన వేళ...
క్రమశిక్షణకు, ఆత్మాభిమానానికి నిలువెత్తు ప్రతిరూపమై...
వేలాది జీవితాల్లో వెలుగులు నింపిన గురుదేవుడు శ్రీ పూర్ణచంద్రరావు!
అవనిగడ్డ ప్రగతి విజయం – ఒక క్రమశిక్షణా క్షేత్రం
ఆంధ్రప్రదేశ్ విద్యా రంగానికి గుండెకాయ వంటిది అవనిగడ్డ. అక్కడి 'ప్రగతి డీఎస్సీ కోచింగ్ సెంటర్' కేవలం ఒక విద్యాసంస్థ మాత్రమే కాదు; అది వేలాది మంది ఉపాధ్యాయ అభ్యర్థుల కలల నిలయం. దాదాపు 122 ఎకరాల సువిశాల ప్రాంగణంలో విస్తరించి, 40 ఎకరాల పటిష్టమైన కాంపౌండ్ వాల్ తో రూపుదిద్దుకున్న ఈ ప్రాంగణం ఒక ఆధునిక ఆశ్రమాన్ని తలపిస్తుంది.
ప్రత్యేకించి మహిళా అభ్యర్థులకు నిర్దేశించిన ఈ శిక్షణా కేంద్రంలో భద్రత అత్యున్నత ప్రమాణాలతో కూడుకుని ఉంటుంది. పురుషులకు ప్రవేశం లేని ఈ రక్షణ వలయంలో, అభ్యర్థులు నిర్భయంగా, ఏకాగ్రతతో తమ లక్ష్యం వైపు ప్రయాణిస్తారు. ఇక్కడి మరో మహోన్నత విశేషం – ప్రకృతి ప్రసాదించిన సేంద్రియ (ఆర్గానిక్) ఆహారం! ఎటువంటి రసాయనాలు లేని పవిత్రమైన, పోషకాలతో కూడిన ఆహారాన్ని అభ్యర్థులకు అందిస్తూ, వారి శారీరక, మానసిక ఆరోగ్యాన్ని పరిరక్షించడం ఈ సంస్థ ప్రత్యేకత
సరళ జీవనం – అత్యున్నత ఆలోచనా విధానం
వేల కోట్ల ఆస్తులు, సమాజంలో మహోన్నత హోదా ఉన్నప్పటికీ శ్రీ సనక పూర్ణచంద్రరావు గారు జీవించే విధానం ఎంతో సాధారణమైనది, అందరికీ ఆదర్శవంతమైనది. వారి మాటలలో గర్వం గానీ, అహంకారం గానీ కించిత్ కూడా కనిపించవు. స్వచ్ఛమైన తెలుగు భాషలో, మృదువైన సంభాషణతో ఉద్యోగానికి కావలసిన మెలకువలను విశ్లేషిస్తూ అభ్యర్థులకు నేర్పించడం వారి ప్రత్యేక శైలి.
దేశ విదేశాల్లోని విలాసవంతమైన విశ్వవిద్యాలయాల్లో చదివించగల ఆర్థిక స్థోమత ఉన్నప్పటికీ, తమ పిల్లలను ఈ దేశీయ విద్యావ్యవస్థలోనే సాధారణ విద్యార్థులతో పాటు చదివించి, శ్రమ విలువను నేర్పిన గొప్ప తండ్రి ఆయన. "పిల్లలను కనడం మాత్రమే కాదు, వారిని క్రమశిక్షణతో పెంచడమే అసలైన తండ్రి బాధ్యత" అని నిరూపించిన మహోన్నత వ్యక్తిత్వం వారిది.
సమభావం & సనాతన ధర్మ రక్షణ
"ధర్మో రక్షతి రక్షితః" అనే సనాతన సూక్తికి ప్రతిరూపంగా నిలిచే పూర్ణచంద్రరావు గారు, కుల మతాలకు అతీతంగా అందరినీ సమభావంతో చూస్తారు. విద్యార్జనలో సమన్యాయాన్ని పాటిస్తూ, దేశం నలుమూలల నుంచి నిపుణులైన ఉపాధ్యాయులను రప్పించి శిక్షణ ఇప్పిస్తూ, భావి తరాల ఉపాధ్యాయులను తీర్చిదిద్దుతున్నారు. ఇక్కడి నుంచి ఉద్యోగం సాధించిన అభ్యర్థులకు జరిగే సత్కార కార్యక్రమం చూస్తే రెండు కళ్ళు సరిపోవు!
చీరాల యుద్ధకళా వైభవ మహోత్సవం – గురువులకు గురు సత్కారం
ఇటీవల చీరాలలోని శ్రీ అభయాంజనేయ స్వామి వారి ఆలయ ప్రాంగణంలో శ్రీ భక్త మార్కండేయ కర్రసాము సంఘం ఆధ్వర్యంలో "సనాతన భారతీయ సాంప్రదాయక యుద్ధకళా వైభవ మహోత్సవం" ఘనంగా నిర్వహించబడింది. ఈ కార్యక్రమానికి ముఖ్య అతిథిగా విచ్చేసిన శ్రీ సనక పూర్ణచంద్రరావు గారు ఉదయం నుండి సాయంత్రం వరకు ఓపికగా ఉండి, ఈ క్రీడను, కళాకారులను ప్రోత్సహించారు.
సమాజంలో మార్పు కోసం, విద్యార్థులను మానసికంగా, శారీరకంగా దృఢంగా తీర్చిదిద్దడంలో 'సాంప్రదాయ కర్రసాము' పోషించే పాత్ర అపారమైనది. చదువు సరస్వతీ దేవిని ప్రసాదిస్తే, యుద్ధకళ ఆత్మరక్షణకు ధైర్యాన్నిస్తుంది. అటువంటి సనాతన కళను కాపాడుతున్న 16 మంది సాటిలేని మేటి గురువులకు శ్రీ సనక పూర్ణచంద్రరావు గారి చేతుల మీదుగా సత్కారం జరగడం కార్యక్రమానికే కిరీటాయమానంగా నిలిచింది. గురువు స్థానంలో ఉన్న ఒక మహనీయుడు మరొక గురువును సత్కరించడం భారతీయ సాంప్రదాయానికే మకుటాయమానం.
సరస్వతి పుత్రుడై విద్యాబుద్ధులు నేర్పిస్తూ...
సాహస విజ్ఞానంతో సమాజ హితం కోరుతూ...
సాధారణ జీవనంతో అసమాన శిఖరాల నందుకొని...
చిరకాలం వర్ధిల్లాలి శ్రీ శనగ పూర్ణచంద్రరావు గారి ధర్మపథం!